Shqiptari 20 vjeçar mban kriminelin me gërshërë në duar derisa vjen policia

Një shqiptar i guximshëm 20 vjeçar kapi të arratisurin që mbante gërshërë të rrezikshme në duar dhe e mbajti atë me forcë derisa aty erdhën policët

Natën e kaluar, një burrë 32 vjeçar, në gjendje të dehur po bënte zhurmë në Stacionin Qendror të trenit, në Hanoverit, shkruan presseportal.de

Ky person ga Pakistani binte në sy për sjelljen e tij agresive dhe bisedën me zë të lartë.

Për më tepër, ai mbante në duar një palë gërshërë me tehun e gjatë 15 centimetra dhe nuk kishte vendosur fare maskë, transmeton albinfo.ch. Ai po ashtu po ecte në mënyrë të palejueshme mbi shinat e hekurudhës dhe kjo bëri që një shërbyes treni të thërriste policinë federale.

Kur policët arritën, personi në fjalë provoi të largohej duke kaluar disa shina për të shmangur kontrollin. Por një shqiptar i guximshëm 20 vjeçar kapi të arratisurin dhe e mbajti atë me forcë derisa aty erdhën policët, përcjell albinfo.ch. Pastaj i dehuri agresiv u dërgua në stacionin e policisë.

Personi në fjalë, tashmë i njohur për policinë për shkak të delikteve të shumta të kryera, jeton në Bückeburg dhe aktualisht po vuante një dënim me kusht për shkaktim, lëndimesh të rrezikshme trupore, transmeton albinfo.ch. Dënimi do t`i përfundonte në vitin 2023.

Ai është regjistruar në polici gjithashtu si  kriminel i armatosur i dhunshëm dhe përdorues droge.

Testi i alkoolit që i është bërë ka treguar një vlerë prej 2.6 promilë.

 

---