Rama për luftën në Kosovë: Kriminelët në Serbi nuk e ndryshojnë historinë

Keystone EPA/GEORGI LICOVSKI

Duke iu përgjigjur interesimit të gazetarëve, kryeministri i Shqipërisë Edi Rama, i ka cilësuar deklaratat e ministrit serb të Mbrojtjes, Aleksandër Vulin si një e ligë që vijnë nga një gojë e shthurur dhe nga një mendje e errët për të cilat duhet të reagonte Presidentit Vuçi, shkruan tch, përcjell Albinfo.ch.

Më tej Rama  doli në mbrojtje edhe luftës së Ushtrisë Çlirimtare të Kosovës, duke thënë se çlirimtarët padyshim ishin në Kosovë, ndërsa kriminelët, ishin ende në Serbi.

“Sa për UÇK për mua janë çlirimtarë, vrasësit ishin në Beograd dhe për mua atje ka akoma vrasës. Asnjë personalitet serb nuk e ndryshon dot historinë për një fakt të thjesht. Nuk e sulmoi Kosova, Serbinë por ndodhi e kundërta, iu dogjën shtëpi e katandi, ishin nga Beogradi ishin ushtarët e Sllobodanit, u përdorën për djegie plaçkitje, përdhunime dhe spastrim etnik. Çlirimtarët janë në Kosovë, kriminelët e asaj lufte janë disa nënë dhe disa mbi dhe por janë në Beograd.”