Sulmuesi shqiptar shkëlqen me 2 gola në Holandë

Armando Broja po dëshmon se është një futbollist nga i cili pritet shumë në të ardhmen

Armando Broja është një nga sulmuesit më të mirë shqiptar për momentin. Broja është pjesë e Chelseat të Anglisë, derisa është huazuar në Vitesse të Holandës, shkruan albinfo.ch.

Në ndeshjen e fundit për skuadrën e tij Vitesse ndaj Den Haag, Broja realizoi dy gola të bukur për skuadrën e tij, duke ia sjellë tri pikë të rëndësishme skuadrës së tij, që ka grumbulluar 12 pikë nga pesë ndeshje.

Broja e realizoi golin e parë në minutë e 32-të, me një goditje brena zones, derisa goli i dytë ishte më shumë personal, ku kalon 2-3 kundërshtarë për 0:2.

---