Kryediplomatja belge, në stacion të kujdesit intensiv

Gjendja e saj është e qëndrueshme, por kërkon kujdes profesional. Ajo ishte dërguar në spital të mërkurën

Ministrja e Jashtme e Belgjikës Sophie Wilmès është duke u trajtuar për sëmundjen Covid-19 në njësinë e kujdesit intensiv. Zëdhënësi i saj e ka konfirmuar këtë të enjten për mediat belge, shkruan srf.ch.

Gjendja e saj është e qëndrueshme, por kërkon kujdes profesional. Ajo ishte dërguar në spital të mërkurën.

Wilmès, e cila është gjithashtu nënkryeministre, ka njoftuar në fundjavë se ishte infektuar me virusin corona, transmeton albinfo.ch. 45-vjeçarja ka qenë deri para pak kohësh kryeministre e Belgjikës.

Pasardhësi i saj Alexander De Croo i ka uruar asaj përme Twitter-it shërim të shpejtë.

---