Lugano: Një grua sulmon me thikë dy gra, nuk përjashtohet motivi terrorist

Sipas policisë, një grua 28-vjeçare zvicerane ka sulmuar dy gra në qendrën tregtare që ndodhet në Piazza Dante në Lugano

Në një sulm me thikë në një qendër tregtare Manor në Lugano të Ticinos, një grua e goditur me thikë, ka pësuar plagë në qafë. Policia po zhvillon hetimet dhe nuk përjashton një sfond terrorist të këtij sulmi, shkruan 20minuten.ch

Sipas një reporteri lexues në portalin e lajmeve Tio.ch, “skena surreale” ka ndodhur në orën 14 pasdite. Flitet për një “pellg gjaku”. Një “grua e re” dyshohet se është plagosur në sektorin  e mallrave shtëpiake me një goditje thike në qafë.

Policia e kantonit Ticino ka konfirmuar operacionin më vonë, pasdite, transmeton albinfo.ch. Sipas policisë, një grua 28-vjeçare zvicerane ka sulmuar dy gra në qendrën tregtare që ndodhet në Piazza Dante në Lugano. Njërën e ka lënduar me duar dhe tjetriën, duke e goditur me thikë. Kryerësja e dyshuar e krimit është mbajtur me forcë nga klientët e pranishëm dhe më vonë është arrestuar nga policia.

Policia nuk përjashton motivet terroriste dhe po punon së bashku me Zyrën Federale të Policisë. Njëra nga të sulmuarat ka pësuar dëmtime serioze, por jo kërcënuese për jetën. Tjetra ka pësuar lëndime të lehta.

---