Shpejtim Bulliqi i LVV-së fiton në Podujevë

Komisioni Qendror Zgjedhor (KQZ), së shpejti do të publikojë rezultatet preliminare të zgjedhjeve në Podujevë.

Burimet brenda KQZ thonë se Shpejtim Bulliqi (LVV), ka fituar  51.6 %,  Nexhmi Rudari (LDK), 36 %  dhe Naim Fetahu (PDK), 12.4 %.

Në Podujevë kanë votuar 40.51 për qind e votuesve, 7 për qind më pak se në zgjedhjet e vitit 2017.

Pas 20 vjetëve, për herë të parë, LDK’ja humbi bastionin e saj, Podujevën.

Ndërkaq në Mitrovicën e Veriut kanë dalë për të votuar 39.41 për qind e votuesve.

Deri në orën 15:00 dalja në zgjedhje  ka qenë 29.76 për qind, apo 26 mijë votues nga 87 mijë e 381. Në vitin 2017 dalja në zgjedhje ka qenë 31 për qind.

Në Mitrovicën e Veriut dalja në zgjedhje deri në orën 15:00 është 30.3 për qind, apo shtatë mijë e 62 qytetarë.

Mandati i kryetarëve të rinj do të jetë deri në zgjedhjet e ardhshme lokale që pritet të mbahen në tetor të vitit 2021.