Bavaria merr masa të ashpra kufizimesh

Dalja jashtë shtëpisë lejohet vetëm me arsyetim të fortë.

Shteti gjerman i Bavarisë ka njoftuar se do të shtrëngojë masat kufizuese nga dita e mërkurë dhe në vijim, transmeton albinfo.ch.

Markus Soeder tha se qytetarët do të lejohen të largohen nga shtëpia e tyre vetëm nëse kanë ndonjë arsye të fortë, duke shtuar se do të marrë masa të ashpra gjatë Krishtlindjeve, por jo për Vitin e Ri.

Ani pse gjatë muajve mars dhe prill, Gjermania e përballoi mjaft mirë situatën e pandemisë, por ajo tashmë po përballet me një valë më vdekjeprurëse të përhapjes së infeksionit, duke futur një bllokim më të lehtë që nga fillimi i nëntorit.

Numri i infeksioneve të reja nuk po rritet aq shumë sa më parë, por sidoqoftë Gjermania po shënon rekord ditor të viktimave.

---