Për tri ditë, 17.901 mërgimtarë kthehen në vendet e BE-së

Në tri ditët e para të janarit udhëtuan 17.901 mërgimtarë, nga Kosova, në vendet e BE-së

Viti 2021 ka nisur me fluturime të shumta drejt shteteve evropiane nga Aeroporti Ndërkombëtar “Adem Jashari”, shkruan albinfo.ch.

Më 1, 2 dhe 3 janar 2021, në Aeroportin e Prishtinës, ka pasur 107 fluturime (shkaurje) dhe 17.901 udhëtarë (shkuarje), tregojnë për Albinfon.Ch, zyrtarët nga aeroporti.

Pra, numri i madh i mërgimtarëve që po kthehen nga Kosova në vendet e BE-së, erdhi për shkak të numrit të madh të ardhjeve gjatë muajit dhjetor, ku 127.879 pasagjerë kishin ardhur në Kosovë, vetëm gjatë muajit dhjetor, shkruan tutje albinfo.ch.

Nga ana tjetër, 1.104.322 udhëtarë gjithsej kanë lëvizur përmes aeroportit në vitin 2020, ndërsa sa u përket fluturimeve, gjithsej ka pasur 9.206 fluturime, gjatë tërë vitit 2020. /Albinfo.ch

 

---