Austria zgjat ndalimin e fluturimeve nga Britania dhe Afrika e Jugut

@aeniosi

Austria ka zgjatur një ndalim të fluturimeve nga Britania dhe Afrika e Jugut deri më 24 janar, mes shqetësimeve të vazhdueshme përreth mutacioneve të koronavirusit.

Ndalimi, i cili u vendos në prag të Krishtlindjeve, më 22 dhjetor, fillimisht ishte caktuar të skadonte më 10 janar. Megjithatë, të premten, ministri i Shëndetësisë, Rudolf Anschober, njoftoi se do të zgjatet për dy javë, deri më 24 janar.

Ekzistojnë disa përjashtime të kufizuara. Sipas qeverisë austriake, “përjashtohen nga kjo, për shembull, fluturimet e ngarkesave, fluturimet e urgjencës, ambulancat / fluturimet e shpëtimit, fluturimet për transportin e punëtorëve sezonalë për bujqësi dhe pylltari, si dhe personel infermieror dhe shëndetësor”, shkruan thelocal.at, përcjell albinfo.at.