Kapen 40 veta të tubuar ilegalisht në një “shisha bar”

Policia ishte njoftuar për takimin nga një palë e tretë. Patrullat e vendosura të policisë nuk u lejuan të hynin në lokal

Në Spreitenbach (AG), policia ka shpërndarë të dielën një takim të paligjshëm në një “shisha bar”.

Pothuajse 40 njerëz ishin takuar aty pavarësisht nga masat aktuale të koronës që ndalojnë një gjë të tillë, ka njoftuar policia e kantonit Aargau sot, të martën, shkruan srf.ch.

Policia ishte njoftuar për takimin nga një palë e tretë. Patrullat e vendosura të policisë nuk u lejuan të hynin në lokal, thuhet në komunikatë, transmeton albinfo.ch. Prandaj, policët u detyruan të kontrollonin lokalin bazuar në një urdhër kërkimi.

Në mënyrë që të mund të hapeshin dyer të ndryshme të kyçura brenda, duhej përdorur çelësi zyrtar i lokalit.

Në fund, policia gjeti pak më pak se 40 njerëz në lokal, disa prej të cilëve ishin fshehur. Të gjithë janë raportuar për shkelje të rregullores Covid-19 dhe lokali është mbyllur.

---