Fshati zviceran, prej 1 jave është shkëputur nga bota

Kryebashkiaku thotë se njerëzit po lodhen me situatën dhe ai është i shqetësuar nëse ka një urgjencë mjekësore pasi nuk ka vend të sigurt për të zbritur helikopteri

Fshati Bister i Kantonit Valis është shkëputur nga pjesa tjetër e botës për një javë dhe kryetari i bashkisë thotë se situata po bëhet kritike.

Të premten e kaluar një ortek masiv dhe rënie shkëmbi preu rrugën kryesore që shkonte drejt komunës.

Kryetari i Bashkisë, Edwin Zeiter, thotë se ai kurrë nuk ka parë diçka të ngjashme me të. Grumbujt e borës janë të larta deri në 30 metra, përcjell albinfo.ch.

Puna për pastrimin e rrugës është dashur të ndalet për shkak të rreziqeve të mëtejshme të ortekut.

Kryebashkiaku thotë se njerëzit po lodhen me situatën dhe ai është i shqetësuar nëse ka një urgjencë mjekësore pasi nuk ka vend të sigurt për të zbritur helikopteri.

Por ushqimi nuk është problem për momentin. Për shkak të Covid, shumë banorë kishin bërë furnizime të mjaftueshme.

---