Një ilaç antiviral ndalon deri në 100 herë përhapjen e COVID-19

Keystone (University of Oxford/John Cairns via AP)

Një ekip kërkimor amerikan, i udhëhequr nga shkencëtarë të Universitetit të Karolinës së Veriut, ka treguar se ilaçi antiviral Molnupiravir (EIDD-2801) zvogëlon ndjeshëm përhapjen virale të koronavirusit SARS-CoV-2, kur administrohet para dhe pas ekspozimit ndaj patogjenit, raporto Ansa, përcjell Albinfo.ch.

Ky ilaç eksperimental antiviral i krijuar, fillimisht, për të luftuar viruset e gripit, jo vetëm që është në gjendje të frenojë shumëzimin e koronavirusit SARS-CoV-2, por gjithashtu mund të parandalojë në mënyrë efikase infeksionin.

Molnupiravir, i njohur gjithashtu si MK-4482/EIDD-2801, ka arritur rezultate jashtëzakonisht të rëndësishme në testet laboratorike.

Ilaçi tashmë ka hyrë në provën klinike Faza 2/3 dhe nëse rezultatet e vëzhguara në laborator konfirmohen edhe te njerëzit, mund të përfaqësojë një armë jashtëzakonisht të vlefshme në luftën kundër pandemisë së COVID-19.