Covid-19: Zvicra regjistron rënie rekord të qëndrimeve në hotele

"Konteksti i jashtëzakonshëm i Covid – 19 shpjegon këtë rënie të paprecedentë në një nivel që nuk është parë që nga fundi i viteve 1950"

Sektori zviceran i hotelit ka regjistruar një rënie prej 40% të qëndrimit gjatë natës në vitin 2020 krahasuar me vitin 2019.

Kërkesa e të huajve ka rënë për 66% pasi turistët qëndruan larg për shkak të pandemisë, tregojnë statistikat e fundit.

“Konteksti i jashtëzakonshëm i Covid – 19 shpjegon këtë rënie të paprecedentë në një nivel që nuk është parë që nga fundi i viteve 1950”, tha Zyra Federale e Statistikave Zvicerane në një deklaratë të premten, përcjell albinfo.ch

Kërkesa e zviceranëve ka rënë në mënyrë  më pakdrastike (–8.6%) në 16.4 milionë qëndrime gjatë natës. Në përgjithësi, sektori regjistroi 23.7 milionë qëndrime gjatë natës për vitin 2020. Swiss Tourism, organizata kombëtare e turizmit e vendit, e quajti vitin 2020 “Annus Horribilis” e saj.

“Viti 2020 do të qëndrojë në mendjen e sektorit të turizmit si sfida më e madhe që nga Lufta e Dytë Botërore”, thuhet në një deklaratë të kësaj organizate, të premten.

Qytetet zvicerane vuajtën veçanërisht, me destinacionet e njohura Cyrih dhe Gjenevë, që regjistruan dy të tretat e rënieve në qëndrimet gjatë natës gjatë verës.

Zvicra hyri në bllokim gjatë pranverës 2020 dhe lehtësoi kufizimet gjatë verës, para se t’i shtrëngonte ato në fund të vjeshtës. Tani është në një gjysmë mbyllje me restorantet që me gjasë janë të mbyllura deri në prill. Dyqanet dhe muzetë mund të hapen më 1 mars sipas planeve kombëtare, përcjell tutje albinfo.ch

---