Kosovarët japin ushqim falas, pasi Teksasi u godit nga stuhia e borës

Pronarët shqiptarë të restorantit “Bella Italian” kanë shpërndarë ushqim falas.

Kjo pasi që një stuhi e madhe e borës e ka goditur Teksasin në Shtetet e Bashkuara të Amerikës.

Siç raporton Fox News, Ari Isufaj dhe Blinera Shurreca kanë gatuar 500 racione.

Isufaj në një prononcim për “Fox News” të shtunën tha se ka vendosur ta bëjë për t’ua kthyer nderin klientëve besnikë, pasi që, sipas tij, ata e kanë mbajtur gjallë biznesin e tyre gjatë pandemisë COVID-19.

“Ne kemi nisur të lidhemi më tepër me komunitetin tonë kur na goditi COVID-i. Ata vërtet na kanë përkrahur për në një nivel tjetër”.

“Kur i ftohti rekord goditi Planon, duke lënë pjesën më të madhe të vendit pa energji elektrike, Isufaj dhe Shurreca dëshironin të përkujdeseshin që banorët të kenë së paku ushqim të nxehtë. Ata nuk kishin energji elektrike në shtëpi, kështu që shkuan në restorant për të gatuar për vete dhe vendosën të bënin të njëjtën gjë “për të gjithë të tjerët”.