Zvicra dhe Kina duan të zgjerojnë bashkëpunimin në tregun financiar

(KEYSTONE/Jean-Christophe Bott)

Ministri i Financave, Ueli Maurer, zhvilloi një takim virtual me Liu He, një nga katër Zëvendëskryeministrat e Kinës, të mërkurën, për të diskutuar forcimin dhe zgjerimin e bashkëpunimit në sektorin e tregut financiar.

Të dy ministrat diskutuan perspektivat për thellimin e marrëdhënieve dypalëshe në fushat e tregtisë së bursës, shërbimet e qëndrueshme financiare dhe menaxhimin e pasurisë, si dhe monedhën dixhitale të Bankës Qendrore, tha Ministria e Financave.

Të dy ministrat u shoqëruan nga përfaqësues të bankave përkatëse qendrore dhe autoriteteve mbikëqyrëse të tregut financiar, si dhe sektorit financiar zviceran.

Takimi i fundit virtual ministror vijoi kontaktet e vendosura tashmë midis autoriteteve financiare dhe sektorit financiar në Pekin në prill 2017 dhe vazhduan në prill 2019. Paralelisht me marrëveshjen ekzistuese të tregtisë së lirë, marrëdhëniet e tregut financiar midis dy vendeve do intensifikohen më tej. Mundësitë e krijuara nga lëvizjet e liberalizimit në tregun financiar kinez do të përdoren për projekte konkrete bashkëpunimi, tha Ministria e Financave./Albinfo.ch