Asnjë deputet i Zvicrës nuk rezulton pozitiv me koronavirus

Përveç kësaj, janë testuar edhe 368 pjesëmarrës të tjerë në seancat e sesionit, njoftojnë shërbimet parlamentare

Në javën e dytë të sesionit pranveror të punimeve të Parlamentit të Zvicrës, 288 anëtarë e të dy dhomave janë testuar për koronavirus. Të gjitha testet kanë dalë negative, raporton srf.ch.

Përveç kësaj, janë testuar edhe 368 pjesëmarrës të tjerë në seancat e sesionit, njoftojnë shërbimet parlamentare.

Një javë më parë u bë e njohur se një anëtar i njërës nga dhomat e Parlamentit kishte rezultuar pozitiv për virusin në javën e parë të seancës, transmeton albinfo.ch.

Gjatë kësaj periudhe, janë kryer gjithsej 250 teste nga anëtarët e Parlamentit dhe 367 pjesëmarrës të tjerë në sesion. Rezultati i testit të deputetit të Dhomës së Kantoneve (senatit) Josef Dittli (FDP / UR) kishte dalë pozitiv.

Në mënyrë që të parandalohej infektimi me koronavirus në seancën pranverore, pjesëtarëve të Parlamentit u ishin dërguar në shtëpi pajisjet për testim me pështymë.

---