Princi William: “Familja mbretërore nuk është aspak raciste”

Në intervistën televizive, Meghan i tha Oprah Winfrey se Princi Harry ishte pyetur nga një anëtar i familjes pa emër “sa e errët” mund të ishte lëkura e djalit të tyre Archie

Duka i Kembrixhit ka thënë se mbretërit nuk janë “familje raciste” në komentet e tij të para pas akuzave nga Duka dhe Dukesha e Sussex në një intervistë televizive.

Duke folur gjatë një vizite në Londrën lindore, Princi William tha se ai nuk kishte folur ende me vëllanë e tij, por do ta bëjë këtë, shkruan BBC, transmeton Klan Kosova.

Nga Pallati Buckingham u tha të martën se pretendimet se një anëtar i familjes mbretërore vuri në dyshim ngjyrën e lëkurës së foshnjës së Meghan Markle, ishte ‘shqetësuese’.

Çështja do të adresohet privatisht.

Në një deklaratë nga Pallati u tha se “kujtimet mund të ndryshojnë” por që Harry dhe Meghan “do të ishin gjithmonë anëtarë shumë të dashur të familjes”.

Në intervistën televizive, Meghan i tha Oprah Winfrey se Princi Harry ishte pyetur nga një anëtar i familjes pa emër “sa e errët” mund të ishte lëkura e djalit të tyre Archie.

Princi Harry më vonë i sqaroi Oprahsë se komentet nuk ishin bërë nga Mbretëresha dhe Duka i Edinburgut.

Ndërsa largohej nga një shkollë në Stratford së bashku me gruan e tij Dukeshën e Kembrixhit të enjten, Princi William u pyet nga një reporter: “A është familja mbretërore një familje raciste, zotëri?”.

Duka u përgjigj: “Ne nuk jemi familje raciste”.

I pyetur nëse ai kishte folur me Princin Harry që nga intervista e Oprah, Princi william tha: “Jo, unë nuk kam folur ende me të, por do të flas”.

---