Danimarkë: Të arrestuar në protestën kundër kufizimeve antikoronavirus

Dy persona u arrestuan në një protestë kundër kufizimeve antikoronavirus, në kryeqytetin e Danimarkës, Kopenhagën, ka thënë policia.

Një person u arrestua për hedhjen e fishekzjarreve ndaj policisë gjatë marshimit të së shtunës, ndërsa një tjetër u ndalua për sjellje të dhunshme, tha policia për AFP, transmeton Albinfo.ch.

Tubimi u organizua nga një grup që e quan veten “Burrat në Danimarkën e Zezë”, të cilët kanë thirrur demonstrata të rregullta që nga fundi i vitit të kaluar, kundër asaj që e quajnë “diktaturë” të kufizimeve të vendit nga Covid-19.

Duke ecur nëpër tymin e fishekzjarreve, protestuesit mbajtën pishtarë ndërsa lëviznin nëpër qendër të qytetit, duke brohoritur “Liri për Danimarkën” dhe “Mette Ciao”, një referencë ndaj Kryeministrit Mette Frederiksen.

Media lokale raportoi se marshimi u zhvillua në një atmosferë “ndonjëherë intensive”, por pa ndonjë incident të madh.

Protesta erdhi një ditë pasi një grua 30-vjeçare u dënua me dy vjet burgim, për thirrje për dhunë, gjatë një tubimi të mëparshëm “Burrat në Danimarkën e Zezë” kundër kufizimeve të Covid-19 në janar, shkruan The Guardian, përcjell Albinfo.ch.

Çështja provokoi një debat në lidhje me dënimin, të cilin komentatorët e konsideruan jashtëzakonisht të ashpër për të.

“A jeni gati të shëtisni dhe të shkatërroni qytetin në një mënyrë jo të dhunshme?”, ajo i kishte thënë turmës gjatë një fjalimi të improvizuar.

Këtu keni pamjet e skenave në Kopenhagë, përmes Paraic O’Brien të Channel 4 News:

Next level anti-lockdown demo #Copenhagen pic.twitter.com/6K8DKqBkDr

— Paraic O'Brien (@paraicobrien) March 13, 2021