Dy fëmijë nga Prishtina i gjejnë 100 euro në rrugë, i dërgojnë në polici

Një qytetar nga Prishtina ka njoftuar se dy fëmijët e tij, të cilët janë nxënës të shkollës “Naim Frashëri”, i kanë gjetur 100 euro, të cilat bashkë me prindin i kanë dërguar në polici.

Genc Pruthi ka njoftuar se dy fëmijët e tij i kanë gjetur paratë në rrugën “Ali Pashë Tepelena” në kryeqytet.

“Sot fëmijët Adni Pruthi dhe Diell Pruthi duke u kthyer nga shkolla -SHFMU “Naim Frashëri “- Prishtinë ne rrugën Ali Pashë Tepelena, përballë pasticeris Agusholli kanë gjetur 2 banknota nga 50€, total vlera 100€. Paratë i kemi dorëzuar ne stacionin e Policisë -Qendër. Personi, të cilit i kanë humbur paratë mund të paraqitet në stacionin Policor-Qendër”, ka shkrur ai në grupin “Network Prishtina” në Facebook.