Reagime të forta në Zvicër ndaj mbylljeve të zgjatura të restoranteve

Elodie AGODOR

Pas njoftimit të qeverisë të premten se restorantet do të qëndrojnë të mbyllura për kohën – me gjithë pritjet e përhapura, ata do të hapen përsëri më 22 mars – shoqatat e biznesit dhe disa parti politike shprehën zhgënjimin për vendimin e Këshillit Federal, transmeton albinfo.ch.

E gjithë kjo nxiti reagime të forta lidhur me këtë vendim. Pronarët e lokaleve në Zvicër thënë se kjo është një goditje për ta në formë shumëdimensionale, si nga ana financiare, ashtu edhe nga ajo psikike.

Hapja e restoranteve me distancë për ta nuk përbën një problem pandemik, prandaj e gjitha kjo cilësohet si vendim jo i drejtë nga ana e Qeverisë zvicerane.

Kujtojmë se Qeveria në detyrë vendosi që edhe më tutje të mbeten të mbyllura tarracat e restoranteve, kinematë, qendrat e fitnesit etj., transmeton albinfo.ch.

Qëllimi është të ruhet pozicioni i mirë fillestar për fushatën e vaksinimit në muajt e ardhshëm dhe për hapin tjetër të hapjes pas Pashkëve. Më 14 prill, Këshilli Federal dëshiron të vendosë se si të veprohet.