Restorantet, si mensa të punëtorëve, tani mund të punojnë gjithë ditën

Ato tani mund të jenë të hapura si "mensa" nga ora 6 e mëngjesit deri në orën 22:00. Më parë ato qëndronin hapura vetëm nga ora 11 deri në 14

Në vend se vetëm në kohën e drekës, siç ishte vendosur kohë më parë, restorantet tani mund të qëndrojnë të hapura gjatë gjithë ditës për punëtorët si mensa ose kantina, raporton srf.ch.

Qeveria Federale ua ka komunikuar kantoneve këtë vendim sot, transmeton albinfo.ch. Por, mbetet i pandryshuar vendimi sipas të cilit vetëm punëtorët që punojnë jashtë lejohen të hyjnë në këto restorante.

Siç dihet, që nga fillimi i marsit, restorantet janë lejuar të hapen si mensa punüetorësh por vetëm midis orës 11 dhe 14 pasdite. Orari i hapjes së këtyre restoranteve tani po përshtatet me kohën e zakonshme të hapjes së mensave të ndërmarrjeve “normale”.

Kjo do të thotë që ato tani mund të jenë të hapur si “mensë” nga ora 6 e mëngjesit deri në orën 22:00, siç është bërë e ditur nga kantoni i Cyrihut të premten, përcjell albinfo.ch.

Vetëm ata që punojnë në terren, siç janë punëtorët e ndërtimit ose montuesit, mund të kenë qasje në këto restorante/mensa.

---