Albena Reshitaj theu vendimin e AAK-së, sqaron arsyet e pjesëmarrjes në votim për Presidentin

Derisa Aleanca për Ardhmërinë e Kosovës bojkotoi procesin e zgjedhjes së Presidentit, deputetja e kësaj partie, Albena Reshitaj, vendosi të mos e përfillë një vendim të tillë, duke marrë pjesë në seancë dhe duke votuar, raporton Albinfo.ch.

Pas përfundimit të seancës, Reshitaj në një adresim para mediave dha arsyet e saj të qëndrimit në sallë dhe injorimit të vendimit të partisë.

“Arsyeja e qëndrimit tim është kjo: Nuk kam mundur të lejoj që e ardhmja e institucioneve tona të varet dhe të bllokohet nga Lista serbe, e cila është e diktuar nga Beogradi”, theksoi Reshitaj.

Ajo dha edhe arsyetime si profesioniste shëndetësore.

“Ne jemi në nje fazë të pandemisë dhe kemi rekord të vdekjeve dhe është më e pakta që qytetarëve u duhet të shkojmë në zgjedhje”, theksoi ajo.