Interesim i madh për vetë-testet falas, por nuk ka pritje në radhë

Thirrja e Shoqatës së farmacistëve ka bërë efektin e saj: Ndonjë nxitim i madh për të siguruar vetë-testet e koronës nuk është regjistruar të mërkurën në mëngjes

Duke filluar nga sot, e mërkurë, vetë-testet falas do të jenë në dispozicion në barnatore në gjithë Zvicrën, raporton srf.ch.

Vetë-testet janë të destinuara vetëm për njerëzit pa simptoma që nuk kanë kontakte me njerëz nga grupi i rrezikut, ka thënë Martine Ruggli, kryetare e Shoqatës Zvicerane të Farmacistëve Pharmasuisse në një intervistë në “Blick”.

Ajo me këtë rast ka bërë thirrje që të mos “sulmohen” farmacitë më 7 prill, ditën kur pritej të kishte kërkesë të lartë për vetë-testet falas.

Dhe, duket se thirrja e Shoqatës së farmacistëve ka bërë efektin e saj: Ndonjë nxitim i madh për të siguruar vetë-testet e koronës nuk është regjistruar të mërkurën në mëngjes, transmeton albinfo.ch.

Sigurisht, farmacitë zvicerane ishin përplot, por nuk kishte radhë të gjata njerëzish duke pritur.

 

---