A mund ta bëjë puna në distancë një punonjës të lumtur dhe produktiv?

Annie Spratt @anniespratt

Komisioni Evropian zbuloi se në vitin 2019, vetëm 5.4 për qind e të punësuarve në Bashkimin Evropian punonin nga shtëpia. Tani kjo shifër mund të shkojë deri në 88 për qind. Për punëdhënësit kanë lindur pyetje mbi produktivitetin, ruajtjen e një fryme ekipi dhe mundësinë që punonjësit të mbahen të lumtur dhe të shëndetshëm.

Besimi i punonjësve për të qenë sa më produktivë kur punonin nga shtëpia ishte shqetësim për drejtuesit e kompanive, por pandemia e ka shuar atë shqetësim.

“Unë mendoj se mënyra se si stafi i është përgjigjur këtyre sfidave tregon se me të vërtetë nuk ka nevojë të ndikojë në produktivitet dhe etika e punës mund të jetë po aq e fortë nga çdo vend sa mund të jetë nga zyra”, tha Ben Butters, CEO i Eurochambers, shoqata evropiane e Dhomave të Tregtisë dhe Industrisë, shkruan “The Guardian”, përcjell albinfo.ch.

Por, ai paralajmëroi se përderisa disa punëdhënës po punojnë edhe më shumë nga shtëpia sesa në zyrë ka një “paqartësi të linjave midis bilancit privat dhe punës”.

Shumë punonjës kanë shijuar përfitimet e të qenit në gjendje të kalojnë më shumë kohë pranë familjeve të tyre duke punuar nga shtëpia.