Flaka Krelani, në ballinën e revistës amerikane “My New York”

Këngëtarja shqiptare, Flaka Krelani, jeton prej një viti në Shtetet e Bashkuara të Amerikës. Ajo ka arritur të pushtojë faqen e parë të revistës së mirënjohur “My New York”, e cila do të shfaqet në botimin e muajit maj, transmeton albinfo.ch.

Intervista e Krelanit  titullohet “Inspirimi jeton në New York”, ku ajo flet për karrierën, vendlindjen e saj dhe se ëndrrat po i bëhen realitet.

Flaka njihet si këngëtare me një zë të fuqishëm, e cila ka nisur karrierën e saj muzikore vite më parë.

Ajo përveç se ka pozuar për revistën, ka dhënë edhe një intervistë të shkurtër për të, ku ndër të tjera thekson se vjen nga shteti më i bukur në botë.

“Vij nga shteti më i bukur në botë, Kosova. Kam lindur në Gjakovë”, ka thënë ajo. /Albinfo.ch