U bë i famshëm për të qeshurën karakteristike, shuhet komediani spanjoll

Ka ndërruar jetë në moshën 65-vjeçare komediani spanjoll, Juan Joya Borja, e qeshura e të cilit i solli famë globale, përcjell albinfo.ch.

Ai ishte i njohur me pseudonimin e tij El Risitas, aktori i humorit u bë i njohur në internet si “djali i qeshur spanjoll”.

Pas paraqitjeve në televizionin kombëtar, Borja u bë viral më 2014, kur njerëzit filluan të dublonin titra mbi të duke qeshur dhe duke rrëfyer një histori.

Në mars, ai falënderoi fansat për organizimin e një fushate për mbledhjen e fondeve për t’i blerë atij një skuter me lëvizje elektrike, pasi një nga këmbët e tij u amputua.

Aktori i humorit e gjeti për herë të parë famën rreth 20 vjet më parë, pasi u shfaq në shfaqjet televizive të prezantuara nga Jesús Quintero.

Klipi i famshëm i tij erdhi kur ai u intervistua nga drejtuesi në lidhje me përvojën e tij fatkeqe, duke punuar si ndihmës kuzhine.