Arrestohen të dyshuarit për plaçkitjen spektakulare të transportit të parave

Pesë të arrestuarit dyshohet se kanë grabitur një transportues parash në Daillens VD në dhjetor të vitit 2019

Policia arreston autorët e dyshuar pas një sulmi spektakular mbi makinën e transportit të parave

Në dhjetor të vitit 2019 qe grabitur dhe hedhur në erë një transportues parash në kantonin Vaud. Ngjarja ishte përshkruar si “në filmat hollivudianë”. Hollywood.

Autorët e dyshuar tani janë arrestuar.

Të martën në mëngjes, policia franceze ka arrestuar pesë grabitës të dyshuar pas disa muajsh punë hetimore. Këta dyshohet se kanë grabitur një transportues parash në Daillens VD në dhjetor të vitit 2019, shkrusn srf.ch.

Operacioni që është kurorëzuar me arrestim, është kryer bashkërisht nga policia zvicerane dhe ajo franceze, ka bërë sot të diztur Policia e kantonit të Vaudit, përmes një komunikate.

Të dyshuarit janë shtetas francezë të moshave nga 31 deri në 42 vjeç. Ata janë identifikuar duke përdorur gjurmët e gishtave dhe ekzaminimet teknike.

Sulmi në Daillens ishte një nga rastet e ngjashme që, si të tilla, ishin dukuri e re në Zvicër, transmeton albinfo.ch. Autorët kishin ndaluar furgonët me para ndërsa po lëviznin në rrugë me disa automjete. Ata i kishin detyruar shoferët, nën kërcënimin e armëve, të dilnin dhe kishin hapur dyert e blinduara. Pas grabitjes, ata u kanë vënë flakën automjeteve dhe kanë ikur me makina të reja, të fuqishme.

Preja e grabitur përbëhej nga para, orë, shufra ari dhe gurë të çmuar.

Nën drejtimin e Prokurorisë Publike Strada të Kantonit të Vaudit dhe gjyqësorit të specializuar ndërrajonal të Lionit, hetimet po kryhen bashkërisht nga Policia e Sigurisë e Vaudit, Zyra Qendrore për Luftimin e Krimit të Organizuar dhe Policia Kriminale e Lionit me mbështetje nga policia kantonale e Gjenevës dhe ajo e  Fribourgut.

---