“Pandemia mund të mos përfundojë deri në vitin 2024”

(KEYSTONE/EPA/ANGELO CARCONI)

Pandemia Covid-19 do të ndjekë botën deri në vitin 2024 nëse G7 nuk përqendrohet në rritjen e prodhimit të vaksinave, pjesërisht duke e lehtësuar atë në Afrikë, ka thënë ministri i Jashtëm francez. Jean-Yves Le Drian, i cili shtoi se kishte një debat që duhej të bëhej në lidhje me lehtësimin e kufizimeve në patentat e kompanive farmaceutike – një masë e mbështetur nga administrata e Biden-it të mërkurën – por përparësia numër një ishte rritja e prodhimit.

Le Drian ishte duke folur me Guardian, përderisa ndiqte takimin e ministrave të jashtëm të G7 në Londër, një ngjarje që ai e përshkroi si shënimin e rikthimit të SHBA-së dhe mbretërimit të multilateralizmit pas viteve në pezull për shkak të Donald Trump.

Le Drian pranoi që të bëhej më shumë për të siguruar që vaksinat të arrinin njerëzit më të varfër të botës dhe se – si klubi i vendeve më të pasura – G7 kishte përgjegjësinë të bënte më shumë.

“Nëse vazhdojmë me këtë ritëm… atëherë nuk do të ketë imunitet global deri në vitin 2024”, tha ai. “A do të presim deri në vitin 2024 duke vazhduar me maskat, kufizimet dhe frikën tonë? Unë nuk mendoj se kjo është një zgjidhje për ne ose botën.

“Nuk do të ketë imunitet kundër Covid-19 nëse nuk është imunitet global”, shtoi ai tutje, shkruan the Guardian, përcjell albinfo.ch.