Testohet vaksina e përbashkët antiCovid dhe antigrip

Vaksina e kombinuar e quajtur “NanoFlu”, demonstroi përgjigje imune pozitive si ndaj gripit ashtu edhe ndaj SARS-CoV-2, virusi që shkakton sëmundjen Covid-19

Kompania bioteknelogjike amerikane “Novavax”,  që zhvillon vaksinat e gjeneratës së ardhshme për sëmundje të rënda infektive, ka përfunduar provat e para për një vaksinë njëkohësisht të kombinuar antiCOVID dhe anti grip.

Vaksina e kombinuar e quajtur “NanoFlu”, demonstroi përgjigje imune pozitive si ndaj gripit, ashtu edhe ndaj SARS-CoV-2, virusi që shkakton sëmundjen Covid-19.

“Pavarësisht niveleve të ulëta të gripit gjatë pandemisë COVID-19, gripi mbetet një rrezik i rëndësishëm për shëndetin publik global dhe nevoja për vaksina të gjithanshme, më efektive është aq e rëndësishme sa kurrë më parë”, u shpreh në një intervistë për media Gregory M. Glenn, President i kërkimit dhe zhvillimit, Novavax, përcjell Albinfo.ch.

Kjo metodë e re për vaksinat e kombinuara, e cila shfrytëzon platformën teknologjike Novavax dhe ndihmësin Matrix-M, mund të jetë një mjet i rëndësishëm në të ardhmen në luftën afatgjatë kundër të dy këtyre viruseve të dëmshme të frymëmarrjes.

Deri më tash ky lloj vaksinë u eksperimentua te një lloj brejtësish, të cilët kishin nivele të larta të imunizimit dy javë pas vaksinimit, njësoj sikur kafshët e tjera që morën vetëm një lloj vaksine.

Studimet klinike të vaksinës së kombinuar pritet të fillojnë deri në fund të vitit.

“Vaksinat e kombinuara të gripit sezonal dhe COVID ka të ngjarë të jenë kritike për të luftuar variantet e reja COVID-19″, u deklarua Russell Rip Wilson, zëvendëspresident ekzekutiv dhe Drejtor i Përgjithshëm i NanoFlu, Novavax.

Miliona njerëz preken nga gripi çdo vit në SHBA, dhe përkundër përpjekjeve të vaksinimit, aktualisht vaksinat e disponueshme të gripit janë pjesërisht efektive.

“Prova klinike e fazës së tretë të vaksinës NanoFlu arriti të gjitha pikat përfundimtare të tij dhe ne presim që me këtë vaksinë të ndihmojnë në kontrollin e sëmundjes COVID-19 dhe të gripit”, shtoi Ressell Rip Wilson.

 

---