Bernë: Protesta kundër masave të koronës shuhet ende pa filluar

Nga ana tjetër rreth 500 kundërshtarë të masave janë tubuar në Urnäsch në kantonin Appenzell Ausserrhoden

Kundërshtarët e masave të pandemisë nuk arritën të demonstronin, siç kishin paralajmëruar “për më shumë liri” në Bernë, të shtunën pasdite.

Policia e kantonit të Bernes ka ndërmarrë sistematikisht veprime kundër atyre që donin të demonstronin, raporton srf.ch.

Të kujtojmë, organizatorët ishin zotuar se të shtunën në Bernë do të tubonin “deri në 50.000 protestues”.

Sidoqoftë, në Bernë, protesta u shua ende pa filluar. Në sheshin kryesor, Bundesplatz puna e policisë ishte më e lehtë sepse në vazhdimësi kishte disa grupe të vogla dhe asnjëherë nuk u arrit të grumbullohej ndonjë numër më i madh njerëzish.

Policia e Bernës ka raportuar përmes Tweeterit se ka ushtruar kontrolle të shumta identiteti dhe kështu ka dëbuar nga sheshi mbi 100 persona.

Nga ana tjetër rreth 500 kundërshtarë të masave janë tubuar në Urnäsch në kantonin Appenzell Ausserrhoden, transmeton albinfo.ch. Demonstrata, e cila i ngjante një feste popullore, është shpërndarë pas pak vetë.

 

---