BE: Cilat vende kanë numrin më të ulët të martesave?

Të dhënat nga vendet e Bashkimit Evropian tregojnë se numri i martesave sa vjen e bie, ndërsa numri i divorceve është në rritje.

Sipas të dhënave të Eurostat, që prej vitit 1964, për qindja e martesave në BE ka rënë nga 8 për 1 mijë persona, në 4.3 për 1 mijë persona në vitin 2019.

Në të njëjtën kohë, divorcet kanë kaluar dyfishimin, ku nga 0.8 për 1 mijë  persona që ishte më 1964, ka shkuar në 1.8 për 1 mijë persona më 2019.

Vendi me numrin më të lartë të martesave për numër popullsie ishte Qiprom ndjekur nga Lituania, Letonia dhe Hungaria.

Kurse vendi me numrin më të ulët të martesave rezulton Italia me vetëm 3 martesa për 1 mijë banorë. Më pas vijnë Portugali dhe Sllovenia.

Sa u përket divorceve, numri më i ulët është shënuar në Maltë dhe Irlandë, ku janë regjistruar 0.7 divorce për 1 mijë persona. Ndërsa, numri më i lartë i ndarjeve të çifteve ka ndodhur në Letoni, Lituani dhe Luksemburg. /Euronews