Studim: 96% e britanikëve zhvillojnë antitrupa pas një doze vaksine anti-Covid

(KEYSTONE/AP Photo/Frank Augstein)

Më shumë se 90% e britanikëve zhvillojnë antitrupa ndaj koronavirusit, pasi marrin një dozë të vaksinave AstraZeneca ose Pfizer.

Gjetjet, bazuar në një studim të 8,517 njerëzve në Angli dhe Uells, janë provat më të fundit që tregojnë se dy shtyllat kryesore të vaksinave në Britani po tregohen shumë efektive.

Hulumtimi zbuloi se 96.42% e njerëzve që kishin marrë një vaksinë kishin zhvilluar antitrupa 28 deri në 34 ditë pas dozës së tyre të parë. Kjo u rrit në 99.08% brenda shtatë deri në 14 ditë të goditjes së dytë. Të dy vaksinat ishin njësoj të mira në shkaktimin e antitrupave të nevojshëm për të luftuar Covid-19, zbuluan studiuesit nga University College London (UCL), shkruan “The Guardian”, përcjell albinfo.ch.