Mercedesi përplaset në argjendari, dy kosovare të përfshira në aksident

Një vajzë kosovare ndodhej në mercedesin e afganit 19 vjeçar. Ndërsa 5 veta, përfshirë shoferen kosovare të VW janë dërguar në spital për kontroll

Pesë veta kanë pësuar lëndime në një aksident që ka ndodhur në Aarau të mërkurën, në orën 17.20.

Makina Mercedes, e drejtuar nga një shtetas afgan, 19 vjeçar, po lëvizte me shpejtësi të rritur, raportojnë dëshmitarët okularë, shkruan 20minuten.ch.

Aksidenti ka ndodhur pasi shoferi në fjalë ka humbur kontrollin mbi makinën e tij Mercedes-Benz CLA tj në qendër të qytetit Aarau, transmeton albinfo.ch. Rezultati: pesë persona të lënduar lehtë dhe një dëm i madh material i shkaktuar.

Aksidenti ka ndodhur pas një shiu të madh, sipas policisë së kantonit Aargau.

Në të njëjtën kohë, një  vajzë 18-vjeçe që po ngiste makinën VW Golf ka dalë nga një rrugë anësore në rrugën që kishte ngritje të madhe. 19-vjeçari është shmangur nga e majta pasi nuk mundte të ndalej më, trasnmeton albinfo.ch. Kështu, ndodhi përplasja anësore mes dy makinave. 19-vjeçari pastaj ka kaluar kryqëzimin e rrugës dhe ka goditur me forcë të madhe fasadën e një dyqani argjendarie.

Përveç shoferit, në Mercedes ishte një bashkë-shofer 20-vjeçar dhe dy vajza të moshës 17 dhe 18 vjeçe. Bëhet fjalë për një afgan (përveç shoferit), një suedeze dhe një kosovare.

Ndërsa 5 veta, përfshirë shoferen kosovare të VW, janë dërguar në spital për kontroll.

Mercedesi është shkatërruar rëndë. Sipas vlerësimeve fillestare, dëmi arrin në mbi 100,000 franga, përcjell albinfo.ch. Shoferi i Mercedesit është paditur dhe është detyruar të dorëzonte patentën e shoferit që e kishte marrë në provë.

(Foto: Kapo Aargau)

---