Studimi i Cyrihut: Një në pesë nxënës e kishte Covid-19

(KEYSTONE/Salvatore Di Nolfi)

Rreth 20% e nxënësve në Cyrih kanë pasur koronavirusin, kanë gjetur rezultatet paraprake të një studimi.

Kjo është hera e tretë që Universiteti i Cyrihut (UZH) ka testuar 2,500 nxënës shkollorë në gjithë kantonin, si pjesë e projektit të tij Ciao Corona, përcjell albinfo.ch.

Rezultatet e përfunduara nga kjo fazë do të publikohen zyrtarisht brenda tri javësh. Ndërkohë, gjetjet paraprake nga testimi mars-prill 2021 tregojnë se 19% e fëmijëve kishin antitrupa për koronavirusin, që do të thoshte se ata e kishin pasur atë.

Në qershor të vitit 2020, në fazën e parë të provës, numri ishte vetëm 2%. Shkalla e infeksionit të fëmijëve ishte e ngjashme me atë të prindërve dhe stafit të testuar si pjesë e projektit. Studimi gjeti se nuk kishte shumë ndryshime ndërmjet grupeve të moshës, megjithëse grupmosha 12+ në përgjithësi ishte më pak e prekur.

Në maj të vitit 2020 shkollat ​​e Zvicrës rihapën dyert e tyre pas një bllokimi kombëtar tetëjavor për të ndaluar përhapjen e virusit. Ato kanë qëndruar të hapur edhe këtë vit shkollor, nën masa të rrepta higjienike. Shkollat ​​në Gjermani, Mbretërinë e Bashkuar dhe Itali, për shembull, janë mbyllur për periudha më të gjata gjatë kësaj kohe, përcjell tutje albinfo.ch.