Banorët e Ticinos mund të bëjnë pazar në Itali këtë javë

Italia ka ende rregulla të rrepta hyrëse

Ndryshe nga Franca dhe Gjermania, të cilat lejojnë banorët zviceranë që jetojnë afër kufirit të bëjnë pazar, Italia ka ende rregulla të rrepta hyrëse, duke përjashtuar blerjet e shpejta përtej kufirit, transmeton albinfo.ch.

Sidoqoftë, kryetari i Bashkisë kufitare italiane të Lavena Ponte Tresa i shkroi një letër Ministrisë së Shëndetësisë të vendit, duke kërkuar që të lihet një përjashtim i përkohshëm për banorët e Ticinos që jetojnë brenda 20 kilometrave të kufirit italian, shkruan Thelocal.

Ai kërkoi që njerëzit nga Ticino të lejohen të bëjnë shopinge në dyqanet e Italisë gjatë fundjavës së ardhshme katërditore. /Albinfo.ch

---