Vetëm 588 raste të reja: Vazhdon rënia e numrit të infeksioneve në Zvicër

Një person ka vdekur në lidhje me koronavirusin. Mesatarja 7-ditore është 2 vdekje në javë, ose 62 për qind më pak se në javën e kaluar

Zyra Federale e Shëndetit Publik  (BAG) ka raportua 588 raste të reja pozitive për koronavirusin në 24 orët e fundit në Zvicër dhe Lihtenshtajn. Kjo shifër e vendos mesataren e 7 ditëve të fundit në 697, që është 19 për qind më pak se në javën e kaluar, raporton srf.ch.

Të kujtojmë, dje, e mërkurë, ishin regjistruar 717 raste të reja, ndërsa vetëm dy javë më parë ishin rreth 1500, shkruan albinfo.ch.

Incidenca 14-ditore aktualisht është 116.73.

Shkalla mesatare pozitive 7-ditore aktualisht është 3.4 për qind. Krahasuar me javën e kaluar, norma pozitive është ulur me 1 pikë përqindje.

Numri i testimeve të bëra në një mesatare 7-ditore është 23,953 në ditë dhe kështu është 10 për qind më i vogël krahasuar me javën e mëparshme.

BAG raporton një person të vdekur në lidhje me koronavirusin. Mesatarja 7-ditore është 2  vdekje në javë, ose 62 për qind më pak se në javën e kaluar.

Aktualisht BAG raporton 428 persona, të cilët janë duke u trajtuar në spitale për Covid-19. Kjo është 27 për qind më pak se në javën e kaluar.

---