Task Forca për pandeminë në Zvicër do të zvogëlohet

(KEYSTONE/Ti-Press/Alessandro Crinari)

Për shkak të progresit të programit të vaksinimit dhe situatës shumë të përmirësuar epidemiologjike në Zvicër, numri i ekspertëve në Task Forcën Zvicër Covid-19, i cili këshillon Këshillin Federal për mënyrat për të luftuar sëmundjen, do të zvogëlohet këtë verë, transmeton albinfo.ch.

‘Zvicra është në rrugën e duhur për të kapërcyer krizën”, tha anëtarja e Task Forcës, Tanja Stadler.

Sidoqoftë, ajo theksoi se pavarësisht evolucionit pozitiv, “ne duhet të qëndrojmë vigjilentë. Ne nuk e dimë, për shembull, se si mutacionet e reja do të ndikojnë në efektivitetin e vaksinës”, përfundoi ajo. /Albinfo.ch