Një person tenton ta hapë derën e aeroplanit në ajër

Mediat e huaja shkruajnë se pasagjerët e një aeroplani të kompanisë “Delta”, të cilët po shkonin nga Los Angelesi në Atlanta të ShBA-së, janë tmerruar nga një veprimi i një personi, që po mundohej ta hapte derën gjatë fluturimit, përcjell albinfo.ch.

Në artikull thkesohet se një dëshmitar tha në rrjete sociale se pasagjeri e mori zmadhuesin e zërit që përdoret për informimin e pasagjerëve dhe u kërkoi të gjithëve që të ulen dhe t’i përgatisin maskat e oksigjenit, para se të përpiqej ta hapte derën e aeroplanit me forcë, shkruan Independent.

Ekuipazhi i aeroplanit kërkoi nga pasagjerët që kanë trupa më të fuqishëm që të shkojnë në pjesën e përparme të aeroplanit për të ofruar ndihmë që të ndalet veprimi i burrit. Në një video të publikuar në internet, pasagjerët dhe anëtarët e ekuipazhit shihen duke u munduar që ta pengojnë personin.

Një zëdhënës i kompanisë “Delta” tha se falë ndërhyrjes së ekuipazhit dhe ndihmës së ofruar nga pasagjerët, personi i papërgjegjshëm është ndaluar dhe fluturimi është devijuar. Më pas, burri është larguar nga aeroplani nga forcat e sigurisë. Ai u kërkoi falje pasagjerëve për vonesën dhe për shqetësimin.

Someone tried hijacking our plane from LAX to ATL pic.twitter.com/fkPDPR60hu

— AB (@alifuckingburns) June 12, 2021