Veliu reagon ndaj Abdixhikut për shkarkimin, vendimin e quan joligjor dhe të pavlerë

Lidhja Demokratike e Kosovës (LDK), në mbledhjen e Kryesisë, ditë më parë mori vendim që Agim Veliu të shkarkohet nga kreu i degës së LDK-së në Podujevë.

Ndaj këtij vendimi të dielën ka reaguar Veliu.

Në një shkrim në rrjetin social Facebook, ka thënë se Kryesia Qendrore e LDK-së ka marrë një vendim sa skandaloz dhe në kundërshtim me Statutin e partisë, po aq edhe të pamoralshëm, sipas tij ‘duke caktuar në mënyrë arbitrare kandidatin në garën për kryetar të Komunës së Podujevës në zgjedhjet lokale dhe në të njëjtën kohë të njëjtit ia delegon të gjitha kompetencat të udhëheqë me Degën e LDK-së në Podujevë’.

Vendimi thotë se nuk i është kumtuar atij, por është informuar përmes mediave.

Tutje ka hedhur akzua ndaj kryetarit të partisë Lumir Abdixhiku, duke thënë se po luan lojë të ndyrë.

Në fund shkroi se vendimi për shkarkimin e tij është joligjor dhe i pavlerë.