Lajm i mirë nga Zvicra: Vaksinat tregojnë sukses kundër variantit Delta

Lajmi i mirë është se njerëzit që janë vaksinuar dy herë me një vaksinë mARN janë pothuajse 90 për qind të mbrojtur nga varianti Delta

Christoph Berger, kryetar i Komisionit Federal për Vaksinimin, thotë se Zvicra është e përgatitur mirë për variantin delta të koronavirusit. Me kaq sa dimë sot, nuk ka asnjë arsye shqetësimi në këtë drejtim, ka thënë ai.

“Delta është më ngjitëse se sa variantet tjera të virusit”, është shprehur Berger në një intervistë me “NZZ am Sonntag”. “Por lajmi i mirë është se njerëzit që janë vaksinuar dy herë me një vaksinë mARN janë pothuajse 90 për qind të mbrojtur nga varianti Delta, transmeton albinfo.ch.

Kohët e fundit, varianti delta i virusit korona në Britaninë e Madhe ka çuar në rritjen e sërishme të numrit të infeksioneve. Berger me këtë rast ka vënë në dukje ndryshimet në Zvicër në raport me atje. “Anglia dëshironte të siguronte vaksinë për sa më shumë njerëz, sa më shpejt që të ishte e mundur. Kjo ndoshta ishte e duhur për atë kohë. Por sot dhe këtu bëhet fjalë për mbrojtje me dy vaksina”.

---