BAG, me video për Kovidin dhe vaksinimin, edhe në gjuhën shqipe

Kjo faqe, e cila përfshin edhe video, është në dispozicion në gjuhët më të përfaqësuara të të huajve në Zvicër, ku bën pjesë edhe gjuha shqipe

Long Covid është një temë e aktualizuar së fundi, në lidhje me pasojat nga infeksioni me Covid-19. Bëhet fjalë për pasojat që, në disa raste, vazhdojnë edhe pas kalimit të sëmundjes

Zyra Federale e Shëndetit Publik (BAG) tani ka krijuar një faqe në internet për mediat e komuniteteve me prejardhje të huaj në lidhje me temën në fjalë dhe procedurën në rast të humbjes së fitimit për shkak të masave të pandemisë, shkruan albinfo.ch. Kjo faqe, e cila përfshin edhe video, është në dispozicion në gjuhët më të përfaqësuara të të huajve në Zvicër, ku bën pjesë edhe gjuha shqipe.

Mesazhet kryesore të faqes në fjalë janë: Pas infeksionit me Covid-19, disa njerëz i ndiejnë pasojat e sëmundjes për disa  javë ose muaj me radhë: Long Covid (simptoma etj.); Çfarë të bëj nëse dyshoj se jam i/e prekur nga Long Covid. E rëndësishme: i pari që duhet kontaktuar është mjeku shtëpiak! (i familjes); Çfarë të bëj nëse nuk mund të punoj për shkak të Long Covid.

PS: Kjo pasohet nga informacioni mbi certifikatën (fletushka dhe eventualisht filmi) në 5 gjuhët më të njohura të popullatës migruese).

---