Këto masa të koronës në Zvicër nuk vlejnë më nga sot

Nga kjo e shtunë, në Zvicër ka filluar zbatimi i rregullave të relaksuara të koronës, me ç`rast janë hequr shumë kufizime në jetën publike që ishin deri tani

Dita e sotme, 26 qershori është dita e hyrjes në fuqi të relaksimit të madh të masave të koronës, të shpallur disa ditë më parë.

Kështu, duke filluar nga sot: Nuk ka detyrim për maskë në ambientet e jashtme, hiqet detyrimi për zyrë në shtëpi (Homeoffice), i cili shndërrohet në rekomandim, nuk ka më asnjë kufizim për pjesëmarrje në ngjarje, për ata që kanë certifikatë Covid, transmeton albinfo.ch.

Po ashtu kanë hyrë në fuqi edhe relaksime të mëtejshme në gastronomi.

Një nga ndryshimet më të rëndësishme është relaksimi i detyrimit për maskë: kushdo që është jashtë nuk ka më nevojë të vendosë maskë. Kjo vlen edhe për aktivitetet kulturore dhe sportive, si dhe ngjarjet kryesore me një certifikatë Covid. Detyrimi për maskë hiqet gjithashtu në zyrë dhe në klasat e larta të shkollës publike.

Më hollësiht, për të gjitha masat që kanë hyrë në fuqi sot, mund të lexoni në linkun në vijim:

Zvicra bën hapin e madh të zbutjes: Pa maska në ambientet e jashtme dhe në punë

---