3 skenarët e zhvillimit të pandemisë gjatë vjeshtës, sipas Qeverisë së Zvicrës

Këshilli Federal ka diskutuar se si Zvicra duhet të përgatitet për muajt e vjeshtës dhe dimrit si dhe për rritjen e mundshme të numrit të rasteve

Në mbledhjen e tij të mbajtur sot, Këshilli Federal ka diskutuar se si Zvicra duhet të përgatitet për muajt e vjeshtës dhe dimrit si dhe për rritjen e mundshme të numrit të rasteve.

Qeveria e vendit ka prezattuar tre skenarë lidhur me këtë:

Skenari 1 parasheh që numri i rasteve të mbetet në një nivel të ulët. Numri i rasteve mund të rritet paksa në varësi të sezonit, por nuk përbën ndonjë ngarkesë të konsiderueshme për sistemin shëndetësor, transmeton albinfo.ch. Në këtë skenar, masat ekzistuese mund të hiqen dhe kriza do të konsiderohej e mbaruar.

Skenari 2: Ka ritje të numrit të rasteve. Mund të ketë disa arsye për këtë, për shembull përqindja e njerëzve që nuk janë vaksinuar, ndërprerja e masave, efektet sezonale ose shfaqja e varianteve të reja. Kjo rritje e ngarkon sistemin shëndetësor, në atë masë që bën të domosdoshëm vazhdimin ose rivendosjen e disa masave si maskimi i detyrueshëm ose vaksinat përforcuese.

Skenari 3: Shfaqen një ose më shumë variante të reja të virusit kundër të cilave vaksinimi ose sëmundja e kaluar më parë nuk mbrojnë më ose dukshëm më pak, përcjell albinfo.ch. Ka një valë të re. Kërkohet ndërhyrje e fortë e qeverisë dhe ri-vaksinimi.

---