Afaristët nga diaspora, vizituan kompanitë e ndryshme të Kosovës

Bizneset e Kosovës dhe diasporës u mblodhën së bashku këtë fundjavë (më 2 dhe 3 korrik) për Konventën e Biznesit të Diasporës.

Konventa ofron një platformë për krijimin e lidhjeve të biznesit, rritjen e eksporteve dhe mbështetjen e rritjes ekonomike të Kosovës.

Kjo ngjarje u organizua nga USAID Kosovo Compete dhe degët evropiane të Rrjetit Global të Biznesve të Diasporës Shqiptare, në partneritet edhe me Shoqata e Përpunuesve të Drurit të Kosovës, Shoqata e Përpunuesve të Ushqimit – Pepeko,  Shoqata Organika, STIKK – Kosovo ICT Association dhe Innovation Centre Kosovo, raporton albinfo.ch.

Gjatë ditës së djeshme janë mbajtur shumë takime B2B mes bizneseve.

Ndërkohë gjatë ditës së sotme shumë afaristë të diasporës vizituan kompanitë e ndryshme të Kosovës, rreth punës dhe strategjive që kanë.

Në shumë kompani kosovare sot që u vizituan, u bisedua rreth bashkëpunimit dhe cilësisë së produkteve që ofron Kosova, e kjo patjetër kishte interes te madh nga kompanitë e disporës dhe mikpritjen e cilësuan se ishte fantastike nga kompanitë kosovare. /Albinfo.ch

---