Britania e Madhe, më shumë vdekje se lindje, për herë të parë në 44 vjet

(KEYSTONE/AP Photo/Frank Augstein)

Sipas statistikave zyrtare që hetojnë ndikimin e pandemisë në popullatë, më shumë njerëz vdiqën në Mbretërinë e Bashkuar se sa kishin lindur vitin e kaluar, për herë të parë që nga viti 1976.

Në vitin 2020, 90 mijë vdekje u regjistruan si rezultat i infeksionit me coronavirus në gjithë Mbretërinë e Bashkuar, duke e çuar numrin e përgjithshëm të vdekjeve në 690 mijë, një rritje prej 85 mijë nga 2019, sipas Zyrës për Statistikat Kombëtare (ONS).

Në të njëjtën kohë, numri i lindjeve ra në 683 mijë, nga 29 mijë në krahasim me 2019. Në përgjithësi, ONS tha se “ndryshimi natyror” i popullsisë së MB ishte negativ për 6,400 njerëz, hera e parë që vdekshmëria ka tejkaluar numrin e lindje në 44 vjet.

“Pandemia e coronavirusit nënkuptonte që 2020 ishte një vit i jashtëzakonshëm për demografinë në Britani”, tha ONS. Ata shtuan se coronavirusi ndikoi në ndryshimin e popullsisë në fillim të vitit 2021 dhe se do të vazhdojë ta bëjë këtë në të ardhmen duke pasur parasysh “efektin e bllokimit dhe pasigurinë më të gjerë në planifikimin familjar dhe pjellorinë”.