Origjina e Covid-19, shkencëtarët thuajse të sigurt që doli nga kafshët

Konkluzioni i shkenctarëve është që janë thuajse të sigurtë që Covid-19 doli nga një kafshë

Covid-19 nuk doli nga laboratori. Është ky qëndrimi zyrtar që mbështetet nga 22 ekspertë të rëndësishëm të botës për koronavirusët dhe virusët gjenetikë. Ata paraqitën prova në një raport të publikuar online.

Konkluzioni i shkenctarëve është që janë thuajse të sigurtë që Covid-19 doli nga një kafshë. Dilemat e mëdha për origjinën janë të shumta, saqë kanë mbërritur dhe në Shtëpinë e Bardhë Amerikane, raporton CNN përcjell Albinfo.ch.

Shkenctarët thonë se është një rastësi që Covid-19 nisi në qytetin kinez me laborator virologjie.

Gjithashtu shtojnë se Wuhani u shndërrua në epiqendër pasi ka disa tregje për kafshët dhe është një vend tranziti për udhëtarët.

Ndërkohë, pista që koronavirusi I ri të ketë dalë nga laboratori është rrëzuar edhe nga ekspertët e Organizatës Botërore të Shëndetësisë, të cilët disa javë më parë publikuan rezultatet e një hetimi në Wuhan.

---