Dy valixhe “të dyshimta” bllokojnë stacionin e trenit në Lozanë

Në ndërkohë, forcat speciale kanë ekzaminuar dy valixhet dhe kanë dhënë sqarimin: Në to kishte vetëm veshmbathje

Policia hekurudhore ka zbuluar në orët e mesditës dy valixhe të dyshimta në një platformë në stacionin e trenit në Lozanë. Një zëdhënës i Policisë Kantonale në Vaud, ka konfirmuar angazhimin e një skuadre të deminimit lidhur me këtë rast, shkruan 20minuten.ch. p

Për pasojë, të gjitha lidhjet e trenave ishin ndërprerë. Ata që donin të udhëtonin në Gjenevë dhe Morges në Bernë, Lucern ose Cyrih, janë detyruar të kalonin përmes Biel-it, transmeton albinfo.ch. Udhëtarët për në Freiburg u desh të devijonin përmes Yverdon-les-Bains.

Stacioni ka qenë bosh dhe të gjitha dyqanet kanë qenë të mbyllura.

Në ndërkohë, forcat speciale kanë ekzaminuar dy valixhet dhe kanë dhënë sqarimin: Në dy valixhet e dyshimta kishte vetëm veshmbathje.

Stacioni i trenit në Lozanë u hap për publikun përsëri nga policia në orën 15:20 pasdite. Prishja e rrjetit SBB është normalizuar përsëri gjatë pasdites.

---