Zvicër: 483 infeksione të reja dhe asnjë i vdekur

Me trendin aktual, mesatarja 7-ditore e infeksioneve të reja po  dyfishohet afërsisht çdo 7 ditë

Zyra Federale e Shëndetit Publik (BAG) ka raportuar 483 raste të reja pozitive me koronavirus, në 24 orët e fundit. Mesatarja e 7 ditëve të fundit është 292 ose 98 për qind më shumë se në javën e kaluar, shkruan srf.ch.

Me trendin aktual, mesatarja 7-ditore e infeksioneve të reja po  dyfishohet afërsisht çdo 7 ditë. Incidenca 14-ditore aktualisht është 38.13.

Shkalla mesatare pozitive 7 ditore aktualisht është 1.4 për qind që, krahasuar me javën e kaluar, është rritur me 1 pikë përqindje.

Numri i testeve në një mesatare 7-ditore është 26,717 teste në ditë, ose prej 15 përqind më shumë krahasuar me javën e mëparshme.

BAG nuk raporton asnjë rast të ri vdekjeje për 24 orët e fundit.

Aktualisht sipas BAG, 86 persona po trajtohen në spitale për Covid-19. Kjo është 9 për qind më pak se në javën e kaluar. Shtretërit e kujdesit intensiv në spitalet zvicerane (përfshirë shtretërit ad-hoc) janë aktualisht 68 për qind të shfrytëzuara, përcjell albinfo.ch. Nga këta, 3 për qind janë të zënë nga të sëmurët nga Covid 19.

---