Pas pushimeve, studentët mund të ndikojnë në rritjen e infeksioneve në Zvicër

Keystone - Tomek Baginski

Edhe pse deri më tani rreziku i kapjes së koronavirusit tek adoleshentët ka qenë i ulët dhe ndërlikimet serioze nga kjo sëmundje janë të rralla, mjekët thonë se shkalla e infeksioneve do të rritet në këtë grupmoshë pas pushimeve të verës, transmeton albinfo.ch.

“Kur të fillojnë studimet dhe shkollat në përgjithsi, përsëri rreziku i infektimit do të jetë ndoshta shumë i lartë”, sipas Pierre-Alex Crisinel, mjek në njësinë pediatrike dhe vaksinologjike të Spitalit Kantonal të Vaud (CHUV).

Ai ia atribuoi këtë kulm variantit Delta, i cili është shumë ngjitës jo vetëm për të rriturit, por edhe për adoleshentët.

Çfarë duhet të theksohet është se “probabiliteti i shpëtimit të infeksionit kur ktheheni në shkollë është në rënie”.

“Këto parashikime tregojnë se duhet të jetë një nxitje për t’u vaksinuar këtë verë”, shtoi ai.

Zvicra filloi vaksinimin e kësaj grupmoshe në qershor. /Albinfo.ch