LDK: Qeveria Kurti, ‘qeveri e praktikantëve’

Mësohet se Lidhja Demokratike e Kosovës ka reaguar sot pas pezullimit të vendimit për tiketën ngjitëse prej pesë eurove për automjetet.

LDK, në një reagim për media, Qeverinë Kurti e quan ‘qeveri të praktikantëve’.

“Anulimi i pagesës prej 5 eurove, pjesë e një procesi të dyshimtë, është përfundim i vetëm logjik. Gjithsesi, nënshkrimi i kontratës fillimisht, e më pas anulimi i saj – pas presionit publik – me pretekstin që duhet bërë analizë, tregon se sa të papërgatitur e joprofesionistë janë anëtarët e Qeverisë së praktikantëve.

Përgjegjësit duhet të mbajnë përgjegjësi. Mbi të gjitha, Lidhja Demokratike e Kosovës fton Prokurorinë që të hetojë gjithë procesin në fjalë dhe dëmet eventuale financiare që mund të krijohen nga një aferë e aventurë e tillë”, thuhet në reagim.